ფოთში სავაჭრო ცენტრის შექმნისთვის „ვისოლ ჯგუფმა“ 6 მილიონ ლარამდე ინვესტიცია განახორციელა. „Poti Mall“-ის გახსნას სამეგრელო-ზემო სვანეთის სახელმწიფო რწმუნებული მალხაზ თორია, მისი მოადგილე დავით ვერავა, „ვისოლ ჯგუფის“ ვიცე-პრეზიდენტი ლევან ფხაკაძე და ადგილობრივი ხელისუფლების წარმომადგენლები დაესწრნენ.

 

,,ფოთში განთავსებული მიმზიდველი არქიტექტურისა და დიზაინის მქონე ახალი სავაჭრო ცენტრი გაიხსნა. ფოთში სავაჭრო ცენტრის შექმნისთვის „ვისოლ ჯგუფმა“ 6 მილიონ ლარამდე ინვესტიცია განახორციელა. ფოთი მოლი ფრანგული ბრენდი “კარფურით”, აფთიაქებით, ტექსტილის კომპანიით, სხვადასხვა მაღაზიებით და სწრაფი კვების ობიექტებით იქნება წარმოდგენილია. ახალი სავაჭრო ცენტრი მისცემს სხვა ბრენდებსაც შესაძლებლობას შემოვიდნენ ფოთში და განახორციელონ ინვესტიცია, რაც მეტი ადგილობრივის დასაქმებას შეუწყობს ხელს. სავაჭრო ცენტრის გახსნით ჯამურად 150-ზე მეტი ადგილობრივი მოსახლის დასაქმების შესაძლებლობა შექმნა, რაც უმნიშვნელოვანესია“ განაცხადა მალხაზ თორიამ.

 

„Poti Mall“ -ი ფრანგული ბრენდი “კარფურით”, „ფარმადეპოს“ აფთიაქით, საოჯახო ტექსტილის კომპანია TAÇ/Manamo-ს მაღაზიებით, სწრაფი კვების ობიექტებით, სამკაულებისა და კოსმეტიკური საშუალებების კუთხეებით ყოველდღიური საყიდლებისა და დასვენებისთვის უაღრესად მომხიბვლელი სივრცეა.