ახალი ამბები
მალხაზ თორიამ სამედიცინო სექტორთან შეხვედრაზე სამეგრელო-ზემო სვანეთში ინტენსიური ტესტირების საორგანიზაციო საკითხებზე ისაუბრა
2020-12-04 13:00:00
,,კოვიდ-19“-ის მართვის პროცესში საკოორდინაციო საბჭოს მიერ დადგენილი შეზღუდვების 2 თვიანი გეგმის ფარგლებში, ქვეყნის მასშტაბით იმოქმედებს ინტენსიური ტესტირების პროგრამა - მხოლოდ სახელმწიფო დღეში დაახლოებით 20 ათასი ტესტს გააკეთებს, რასაც კიდევ დაემატება კერძო ლაბორატორიების მიერ ჩატარებული ტესტები. განსაკუთრებით ფართოვდება ანტიგენზე დამყარებული ტესტების გამოყენება, რომლის პასუხის მიღება დაახლოებით 20 წუთის განმავლობაში იქნება შესაძლებელი.
სიახლე დღეს სამედიცინო დაწესებულებების მენეჯერებს სამეგრელო-ზემო სვანეთის სახელმწიფო რწმუნებულის მოვალეობის შემრულებელმა მალხაზ თორიამ გააცნო.
ამ პერიოდში სწრაფად და მაქსიმალურად დიდი რაოდენობით მოხდება ინფიცირებულთა გამოვლენა, რომლის მიზანია შეზღუდვების პარალელურად, ინფიცირების სტატუსზე მოქალაქეების მაქსიმალური ინფორმირება და მათი სწრაფი ტრიაჟი. ეს გულისხმობს მსუბუქი და ნაკლებად მძიმე შემთხვევების თვითიზოლაციას, საყურადღებო შემთხვევების კოვიდსასტუროებში განთავსებას და მძიმე და კრიტიკული შემთხვევების ჰოსპიტალიზაციას. მოხდება ყველა შესაბამისი უწყების მობილიზება, როგორც რესურსების, ისე სამუშაო დატვირთვის თვალსაზრისით.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
