ახალი ამბები
მარტვილში პროექტის „ევროპული არდადეგები“ ფარგლებში მარტვილში აფხაზეთიდან დევნილ ახალგაზრდებს მასპინძლობდნენ.
სამეგრელო-ზემო სვანეთის სახელმწიფო რწმუნებული ალექსანდრე მოწერელია, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, ადგილობრივი ხელისუფლების წარმომადგენლებთან ერთად აფხაზეთის ავტონომიური რესპუბლიკის მთავრობის, საგარეო საქმეთა სამინისტროს სსიპ „საინფორმაციო ცენტრი ნატოსა და ევროკავშირის შესახებ“ და სსიპ კულტურის, სპორტის და ახალგაზრდულ საქმეთა სააგენტოს ერთობლივი პროექტის „ევროპული არდადეგები“ ფარგლებში მარტვილში აფხაზეთიდან დევნილ ახალგაზრდებს მასპინძლობდნენ.
პროექტის ფარგლებში, მოწვეულმა ექსპერტებმა ახალგაზრდებს ტრენინგ სემინარები ჩაუტარეს, საქართველოს ევროპული და ევროატლანტიკური ინტეგრაციის პროცესთან დაკავშირებულ საკითხებზე, ევროპული ღირებულებების, ქვეყნის სამომავლო პერსპექტივებისა და მისწრაფებების შესახებ.
პროექტი საგანმანათლებლო და კულტურულ-შემეცნებითი კომპონენეტებისგან შედეგება. მისი მიზანია ახალგაზრდების ინფორმირება საქართველოს ევროპული და ევროატლანტიკური ინტეგრაციის საკითხებზე, მათი ჩართულობის გაზრდა აღნიშნულ პროცესში, ანტიდასავლური პროპაგანდის, მითების და სტერეოტიპების დაძლევა და ნდობის აღდგენის პროცესის ხელშეწყობა. ასევე, ახალგაზრდებისთვის საქართველოს სხვადასხვა კუთხის ტურისტული პოტენციალის, ღირსშესანიშნაობის შესახებ ინფორმაციის მიწოდება და შიდა ტურიზმის პოპულარიზაცია.
