ახალი ამბები
ქარმა ჩხოროწყუსა და წალენჯიხის მუნიციპალიტეტებში საცხოვრებელი სახლები დააზიანა - ზარალს კომისია სწავლობს
12 მარტს, საღამოს ძლიერმა ქარმა მნიშვნელოვანი ზარალი მიაყენა ჩხოროწყუს მუნიციპალიტეტის 5 სოფელს (მუხური, ჭოღა, თაია, ნაფიჩხოვო, ზუმი). პირველადი მონაცემებით ქარმა 36 საცხოვრებელი სახლი დააზიანა. სახლების ნაწილს სახურავი მთლიანად ახდილი აქვს, ნაწილს კი ნაწილობრივ.
სტიქიის შედეგად მიყენებული ზარალის ზუსტი ოდენობა ამ წუთებში დგინდება. ზარალის დამთვლელი კომისია ორ ჯგუფადაა გაყოფილი და მიყენებულ ზარალს ადგილზე სწავლობს. დაზარალებული ოჯახები წუხელვე მოინახულა მუნიციპალიტეტის გამგებელმა დათო გოგუამ.
ძლიერმა ქარმა საცხოვრებელი სახლები დააზიანა წალენჯიხის მუნიციპალიტეშიც, სოფლებში ჯგალში, მიქავაში, საჩინოსა და ობუჯში პირვეადი მონაცემებით 15 საცხოვრებელი სახლის სახურავია დაზიანებული. ზარალს წალენჯიხაშიც სპეციალური კომისია სწავლობს. შემთხევევის ადგილი წუხელვე მოინახულეს გამგებლის მოადგილეებმა.
კომისიის მიერ ზარალის დადგენის შემდეგ მონაცემებს ჩხოროწყუს და წალენჯიხის მუნიციპალიტეტები სამეგრელო-ზემო სვანეთის სამხარეო ადმინისტრაციასა და ინფრასტრუქტურის სამინისტროში გააგზავნიან.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
