ახალი ამბები
ხობში ცოტნეობა აღინიშნა
2019-08-12 18:00:00
დღეს ცოტნეობაა. სადღესასწაულო წირვას ხობის ღვთისმშობლის მიძინების სახელობის საკათედრო ტაძარში სამეგრელო-ზემო სვანეთის სახელმწიფო რწმუნებული ალექსანდრე მოწერელია დაესწრო. ღვთისმსახურება ფოთისა და ხობის მიტროპოლიტმა გრიგოლმა აღავლინა.
წირვის დასრულების შემდეგ, საკათალიკოსო სასახლეში სამეცნიერო კონფერენცია გაიმართა, სადაც სახელმწიფო რწმუნებულმა შეკრებილებს დღესასწაული მიულოცა. კონფერენციას სხვადასხვა ეპარქიის ხელმძღვანელები, პარლამენტის წევრები, სახელმწიფო რწმუნებულის ადმინისტრაციის და ადგილობრივი ხელისუფლების წარმომადგენლები ესწრებოდნენ.
