შეხვედრა თხილის მავნებელთან ბრძოლის საკითხზე

აზიური ფაროსანას წინააღმდეგ მიმდინარე და დაგეგმილი ღონისძიებები განიხილეს, სამეგრელო-ზემო სვანეთის სამხარეო ადმინისტრაციაში, რომელსაც სამეგრელო-ზემო სვანეთის სახელმწიფო რწმუნებულის მოადგილე მალხაზ თორია და მავნებელთან ბრძოლის საკოორდინაციო მართვის ცენტრის ხელმძღვანელი ლაშა შალამბერიძე უძღვებოდნენ. 

სამუშაო შეხვედრას, რეგიონის მუნიციპალიტეტების მერის მოადგილეები, მონიტორნგის ჯგუფის წევრები, რწმუნებულები და შესაბამისი სამსახურების წარმომადგენლები ესწრებოდნენ.

შალა შალამბერიძემ, შეხვედრის მონაწილეებს, დაგეგმილ ღონისძიებებთან დაკავშირებით, დეტალური ინფორმაცია მიაწოდა და მავნებელთან ბრძოლის პროცესში, თვითმმართველი ერთეულების და მოსახლეობის ჩართულობის მნიშვნელობას გაუსვა ხაზი.

სამეგრელო-ზემო სვანეთის რეგიონში, მავნებლის საწინააღმდეგო ღონისძიებებთან დაკავშირებით, საკარმიდამო ტერიტორიები, თერმული ნისლის ტექნოლოგიით, ხოლო საყანე ფართობები, ცივი შესხურებით მუშავდება, ტყისპირა პერიმეტრებზე მონტაჟდება „მოიზიდე და გაანადგურე“ სადგურები, მონიტორინგის მიზნით მიმდინარეობს ფერომონების განთავსება. ფუტკრის დაცვის მიზნით, ღონისძიებები მეფუტკრე ფერმერებთან კოორდინირებული თანამშრომლობით იგეგმება.

სამეგრელო-ზემო სვანეთის რეგიონში, ამ დროისთვის, თერმული ნისლის ტექნოლოგიით დამუშავდა 39 180 ჰა ფართობი, ცივი შესხურების მეთოდით 7 326.15 ჰა ფართობი. სოფლის ტერიტორიებზე განთავსდა 10 980 ცალი „მოიზიდე და გაანადგურე“ სადგური და 952 მონიტორინგის ფერომონი.