ახალი ამბები
ალექსანდრე მოწერელია ენგურის ხიდის ჩაკეტვის და აბიტურიენტებისთვის ხელოვნური ბარიერის შექმნის ფაქტს ეხმაურება
სამეგრელო-ზემო სვანეთის სახელმწიფო რწმუნებული ალექსანდრე მოწერელია ერთიან ეროვნულ გამოცდებში, მონაწილე ახალგაზრდებს წარმატებებს უსურვებს და საოკუპაციო რეჟიმის მიერ ენგურის ხიდის ჩაკეტვის და აბიტურიენტებისთვის ხელოვნური ბარიერის შექმნის ფაქტს ეხმაურება.
,,მინდა წარმატებები ვუსურვო თითოეულ აბიტურიენტს. სამწუხაროა, რომ ოკუპირებულ აფხაზეთში მცხოვრებ აბიტურიენტებს არ ეძლევათ გამოცდებში მონაწილეობის მიღების საშუალება. ეს კიდევ ერთხელ ცხადყოფს ოკუპაციის სიმძიმეს, საოკუპაციო რეჟიმი განათლების მიღებაში ახალგაზრდებს ხელს, აფხაზეთი-სამეგრელოს ადმინისტრაციული საზღვრის ჩაკეტვით უშლის. განათლების, მეცნიერების, კულტურისა და სპორტის სამინისტრო მზად არის აბიტურიენტები, როგორც კი შესაძლებლობა ექნებათ ჩართოს საგამოცდო პროცესში” - ნათქვამია ალექსანდრე მოწერელიას მიერ გაკეთებულ განცხადებაში.
