ახალი ამბები
სამეგრელო-ზემო სვანეთში მცირემიწიან ფერმერთა ხელშეწყობის პროგრამა დაიწყო
სამეგრელო-ზემო სვანეთის მხარეში მცირემიწიან ფერმერთა 2015 წლის საგაზაფხულო სამუშაოების ხელშეწყობის პროგრამა დღეს ზუგდიდიან დაიწყო. გამგებლის რწმუნებულებს ხვნის ბარათები დღეს სამეგრელო-ზემო სვანეთის მხარეში სახელმწიფო რწმუნებულის პირველმა მოადგილემ კობა ქანთარიამ და სოფლის მეურნეობის წარმომადგენლებმა გადასცეს.
პროგრამით წელს ქვეყნის მასშტაბით 800 ათასი ფერმერი ისარგებლებს, რისთვისაც ბიუჯეტიდან 50 მილიონი ლარი გამოიყო.
მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტით სამეგრელო-ზემო სავნეთის მხარეში სულ 99 437 ფერმერი ისარგებლებს, ზუგდიდში კი ეს ციფრი 27 ათასზე მეტია.
ხვნის ბარათები დღეს სოფლებში გამგებლის წარმომადგენლებს გადაეცათ, ორშაბათიდან, 16 თებერვლიდან კი ბარათებს უშუალოდ მცირემიწიანი ფერმერები მიიღებენ.
სოფლის მეურნეობის სამინისტრო უკვე მესამე წელია მცირემიწიან ფერმერთა ხელშეწყობის პროგრამას ახორციელებს, რომლის მიზანიც მწირმიწიანი ფერმერების დახმარება და სოფლის მეურნეობის აღორძინებაა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
