სენაკის გამგეობამ 2 წლიანი მუშაობის ანგარიში წარადგინა

სენაკის მუნიციპალიტეტის გამგებელმა საზოგადოებას 2013-2014 წლების ანგარიში წარუდგინა. შეხვედრას სამეგრელო-ზემო სვანეთის სახელმწიფო რწმუნებულის - გუბერნატორის პირველი მოადგილე კობა ქანთარია, საქართველოს შეიარაღებული ძალების სახმელეთო ჯარების დასავლეთის მიმართულების სარდლობა, მედიისა და არასამთავრობო სექტორის წარმომადგენლები, სასულიერო პირები და სენაკის საზოგადოება ესწრებოდა.

სენაკის გამგებლის განცხადებით, 2 წლის განმავლობაში საფუძველი ჩაეყარა და განხორციელდა მნიშვნელოვანი პროექტები:

,,2012 წლის არჩევნების შემდეგ სულ სხვა მნიშვნელობა შეიძინა ადამიანის, ხალხის ფაქტორმა, მოსახლეობის ინიციატივამ. დღეს ხალხს აქვს საშუალება აკონტროლოს და შეაფასოს თვითმმართველ ორგანოთა საქმიანობა. საზოგადოებისა და ხელისუფლების ერთობისა და ურთიერთთანამშრომლობის შედეგად სენაკში მრავალი სასიკეთო სიახლე დაინერგა, საფუძველი ჩაეყარა წინსვლისა და განვითარების თვისობრივად ახალ ეტაპზე გადასვლას'' - განაცხადა შეხვედრაზე სენაკის გამგებელმა.

რეგიონის მასშტაბით მიღწეულ შედეგებზე ისაუბრა სამეგრელო-ზემო სვანეთის სახელმწიფო რწმუნებულის - გუბერნატორის პირველმა მოადგილემ კობა ქანთარიამ. ასევე, საზოგადოების წინაშე ანგარიშებით წარდგნენ მუნიციპალიტეტის გამგეობის სტრუქტურული ერთეულების ხელმძღვანელები