ახალი ამბები
ალექსანდრე მოწერელია “ახალგაზრდული მოძრაობის“ წევრებს შეხვდა
2019-06-10 18:01:00
სამეგრელო-ზემო სვანეთის სახელმწიფო რწმუნებული ალექსანდრე მოწერელია, ადგილობრივი ხელისუფლების წარმომადგენლებთან ერთად, ,,წალენჯიხის ახალგაზრდული მოძრაობის“ საინიციატივო ჯგუფის წევრებს შეხვდა. სახელმწიფო რწმუნებულმა, ახალგაზრდებთან ერთად, წალენჯიხის მუნიციპალიტეტში არსებული პრობლემები და საჭიროებები მიმოიხილა და მათი ინიციატივები მოისმინა. შეხვედრაზე წალენჯიხის ტურისტული პოტენციალის ეფექტიანად გამოყენებაზეც ისაუბრეს. როგორც ალექსანდრე მოწერელიამ აღნიშნა, მუნიციპალიტეტს მრავალმხრივი ტურისტული პოტენციალი აქვს, რომლის გამოყენებაც სათანადოდ უნდა მოხდეს.
"მუნიციპალიტეტის ტურისტული პოტენციალის შესწავლაზე, მის სწორ მარკეტინგსა და დაგეგმვაზე მუშაობს სამეგრელო-ზემო სვანეთის დანიშნულების მართვის ორგანიზაცია (DMO), მისი წარმომადგენლები მუნიციპალიტეტებთან ერთად ქმნიან რეგიონში ტურიზმის განვითარების კონცეფციას და ამ კუთხით მუშაობა აქტიურად მიმდინარეობს. წალენჯიხას მრავალმხრივი ტურისტული რესურსი აქვს და საჭიროა, მოხდეს მისი სათანადოდ ათვისება და გამოყენება. მუნიციპალიტეტის განვითარების საკითხებში მნიშვნელოვანია, ის ჩართულობა, რასაც თქვენ - ახალგაზრდები და სამოქალაო საზოგადოება იჩენთ, თქვენი აქტიურობა ნამდვილად სამაგალითოა“, - განაცხადა სახელმწიფო რწმუნებულმა. დღესვე, ალექსანდრე მოწერელიამ, ახალგაზრდული ორგანიზაციის წევრებთან ერთად, წალენჯიხაში მდებარე რამდენიმე ტურისტული ადგილი მოინახულა.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
