ახალი ამბები
სვანეთში დამოუკიდებლობის დღე ორდღიანი ფესტივალით აღინიშნება.
2019-05-26 15:48:00
დამოუკიდებლობის დღე განსაკუთრებულად აღინიშნება მესტიაში. საქართველოს რეგიონული განვითარებისა და ინფრასტრუქტურის სამინისტრო დამოუკიდებლობის დღისადმი მიძღვნილ ღონისძიებას წელს პირველად მთაში, ორდღიანი ფესტივალით აღნიშნავს.
ღონისძიებებს რეგიონული განვითარებისა და ინფრასტრუქტურის მინისტრი მაია ცქიტიშვილი, საქართველოს პრემიერ მინისტრის მრჩეველი სოზარ სუბარი, სამეგრელო-ზემო სვანეთის სახელმწიფო რწმუნებულის მოადგილე ნინო ვიბლიანი და ადგილობრივი თვითმმართველობის წარმომადგენლები ესწრებიან.
მესტიაში, თეთნულდსა და ჰეშკილში დაგეგმილი ღონისძიებების სლოგანია „იგრძენი თავისუფლების ძალა მთაში“.
