ახალი ამბები
აბაშისა და ფოთის მუნიციპალიტეტებმა ევროკავშირისგან გრანტის სახით 345 000 ევრო მიიღეს
აბაშისა და ფოთის მუნიციპალიტეტებმა ევროკავშირისგან გრანტის სახით 345 ათასი ევრო მიიღეს. პროექტის „საზოგადოების ჩართულობაზე ორიენტირებული თვითმმართველობის განხორციელება ქალაქ ფოთსა და აბაშის მუნიციპალიტეტში“ პრეზენტაცია აბაშის მუნიციპალიტეტის მერიაში გაიმართა.
3-წლიანი პროექტის ფარგლებში დაგეგმილია ადგილობრივი ხელისუფლების მიერ გაწეული მომსახურების ხარისხის გაუმჯობესება. ასევე, თვითმმართველობებსა და ადგილობრივ არასამთავრობო ორგანიზაციებს შორის ეფექტიანი ურთიერთთანამშრომლობა.
პროექტის მიზანია ადგილობრივი თვითმმართველობის მუშაობის გამჭვირვალობისა და საჯაროობის უზრუნველყოფა. პროექტის ფარგლებში იგეგმება მუნიციპალიტეტის ვებგვერდის განახლება, მოსახლეობის ინფორმირების მექანიზმისა და ელექტროპეტიციის სისტემის დანერგვა. სტრატეგიული განვითარების შესახებ ქალაქის გეგმის შემუშავება მოქალაქეების აქტიური ჩართულობით.
