ახალი ამბები
სამეგრელო-ზემო სვანეთის მხარეში დანიშნულების ადგილის მართვის ორგანიზაცია (DMO) ფუძნდება
სამეგრელო-ზემო სვანეთში დანიშნულების ადგილის მართვის ორგანიზაციია (DMO) დაფუძნდება. DMO-ს დაარსებით, USAID – Zrda და საქართველოს ტურიზმის ეროვნული ადმინისტრაცია ერთობლივად განსაზღვრავენ რეგიონში ტურიზმის განვითარებასთან დაკავშირებულ გამოწვევებს და დაადგენენ პრიორიტეტებს რეგიონის პოპულარიზაციისა და მისი უკეთ წარმოჩენენის მიზნით.
ორგანიზაციის პრეზენტაცია ,,USAID – Zrda“ პროექტის ხელმძღვანელმა ბრაიან კინგმა და ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ გამართეს. პრეზენტაციას ესწრებოდნენ სამეგრელო-ზემო სვანეთის გუბერნატორის მოადგილეები ირაკლი ჯიქია და ნინო ვიბლიანი, ასევე ადგილობრივი მუნიციპალიტეტების მერები.
დაფუძნების მზაობა რეგიონის თითოეული მუნიციპალიტეტის მერმა ხელმოწერით დაადასტურა. DMO-ს მიზანი სამეგრელო-ზემო სვანეთის რეგიონის ტურიზმის განვითარების მოდელის შექმნის ხელშეწყობა და მისი პოპულარიზაციაა. ასევე DMO ჩაატარებს რეგიონში ყველა ტურისტული ღირსშესანიშნაობის არსებული მდგომარეობის ანალიზს და ახალ მიდგომებს დანერგავს, რაც რეგიონის ეკონომიკურ ზრდას და დასაქმებას შეუწყობს ხელს.
