იმერეთის მხარეში სახელმწიფო რწმუნებულის - გუბერნატორის ადმინისტრაციამ ჭუბერში ჰუმანიტარული დახმარება ჩაიტანა

იმერეთის მხარეში, სახელმწიფო რწმუნებულის–გუბერნატორის ადმინისტრაციამ ჭუბერში, სტიქიის შედეგად დაზარალებული მოსახლეობისთვის, საკვები პროდუქტები, სასმელი წყალი და პირველადი მოხმარების ნივთები ჩაიტანა.

სამეგრელო-ზემო სვანეთის გუბერნატორმა ლევან შონიამ და იმერეთის გუბერნატორის მოვალეობის შემსრულებელმა, გრიგოლ დალაქიშვილმა დაზარალებული ოჯახები მოინახულეს და საკვები პროდუქტები პირადად გადასცეს. 

ჭუბერში სტიქიის შედეგად დაზარალებული ოჯახებისთვის პროდუქტს, პირველადი მოხმარების ნივთებს და მედიკამენტებს სხავადსხვა ორგანიზაციები აგზავნიან, მათ შორის: თბილისის, ზუგდიდი, ფოთის, წალენჯიხის, ჩხოროწყუს, სენაკის, ხობის, მარტვილის და აბაშის მერიები, ფოთის საკრებულო, ენგურჰესი, ნენსკრა ჰიდრო, გორმედი, გალფი, ფარმადეპო და სხვა.

გარემოს დაცვისა და სოფლის მეურნეობის სამინისტროს ორგანიზებით, ჰუმანიტარული დახმარების სახით, შპს „ბერვილი ჯგუფმა“, შპს „აგრიკომმა“ და შპს „ცერერამ“ დაზარალებულ მოსახლეობას 300 ტომარა ხორბლის ფქვილი გადასცა.