საჯარო დისკუსია - „ღია მმართველობა - სამოქმედო გეგმა 2018-2019“

ზუგდიდის დემოკრატიული ჩართულობის ცენტრში, საჯარო დისკუსია გაიმართა თემაზე: „ღია მმართველობა - მიღწევები და გამოწვევები, სამოქმედო გეგმა 2018-2019“.

ღია მმართველობა საქართველოს პრიორიტეტლი მიმართულებები აუდიტორიას, იუსტიციის სამინისტროს, „საერთაშორისო გამჭვირვალობა - საქართველო“-ს, მონაცემთა გაცვლის სააგენტოს და USAID-ს წარმომადგენლება გააცნეს.

დისკუსია საქართველოს იუსტიციის სამინისტროსა და USAID საქართველოს ორგანიზებით მოეწყო, რომელშიც მონაწილეობა სამეგრელო-ზემო სვანეთის რეგიონული პროექტების კოორდინირების უფროსმა ნუგზარ გაბელიამ, ადგილობრივი თვითმმართველობების და არასამთავრობო სექტორის წარმოამდგენლებმა მიიღეს.

საქართველო ერთ-ერთი პირველი ქვეყანაა, რომელიც საერთაშორისო ინიციატივა - ღია მმართველობის პარტნიორობას (Open Government Partnership - OGP) შეუერთდა. დღემდე OGP-ის თავმჯდომარეები იყვნენ ისეთი წარმატებული ქვეყნები, როგორებიც არიან დიდი ბრიტანეთი, ინდონეზია, მექსიკა, სამხრეთ აფრიკა და საფრანგეთი. ღია მმართველობის პარტნიორობის თავმჯდომარე ქვეყნის პოზიციას საქართველო 2018 წლის ოქტომბრამდე დაიკავებს.

საქართველოს მთავრობა ღია მმართველობა საქართველოს მეოთხე, 2018-2019 წლების ეროვნულ სამოქმედო გეგმას გლობალურ სამიტზე წარადგენს. აღნიშნული დოკუმენტი სამოქალაქო საზოგადოებასთან, საერთაშორისო პარტნიორებთან, მოქალაქეებთან აქტიური კონსულტაციების გზით შემუშავდება. მთავრობისთვის პრიორიტეტია ამ პროცესში საქრთველოს მოქალაქეების მოსაზრებების მოსმენა, მათი იდეების, რეკომენდაციების გაზიარება.