ახალი ამბები
თვითმმართველობათა ეროვნული ასოციაციის წარმომადგენლები გუბერნატორს შეხვდნენ
სამეგრელო-ზემო სვანეთის გუბერნატორი ლევან შონია, საქართველოს ადგილობრივ თვითმმართველობათა ეროვნული ასოციაციის, აღმასრულებელი დირექტორის მოადგილეს ნათია ღვინაშვილს და ასოციაციის წარმომადგენლებს შეხვდა.
ნათია ღვინაშვილმა გუბერნატორს ორგანიზაციის საქმიანობის შესახებ დეტალური ინფორმაცია მიაწოდა და აღნიშნა, რომ ის პროექტები, რომლებსაც „ათეა“ მომავალში განახორციელებს, უფრო მიზნობრივი და მაქსიმალურად მორგებული იქნება იმ საჭიროებებზე, რომლებიც მუნიციპალიტეტებში არსებობს.
შეხვედრაზე, სამეგრელო-ზემო სვანეთის გუბერნატორმა დეცენტრალიზაციის მნიშვნელობაზე ისაუბრეს და ამ მხრივ ასოციაციის როლზე გაამახვილა ყურადღება.
შეხვედრას გუბერნატორის მოადგილე დავით კოდუა და რეგიონული პროექტების კოორდინირების სამსახურის უფროსი ესწრებოდნენ.
ორგანიზაციის წარმომადგენლებმა დღესვე ზუგდიდის მერიის სააქტო დარბაზში შეხვედრა გამართეს, სადაც სამეგრელო-ზემო სვანეთის მუნიციპალიტეტების მერებს და საკრებულოს თავმჯდომარეებს შეხვდნენ.
