ახალი ამბები
სამეგრელო-ზემო სვანეთის გუბერნატორი საშობაო ლიტურგიას საკათედრო ტაძარში დაესწრო
►სამეგრელო ზემო-სვანეთის გუბერნატორი ლევან შონიასაშობაო ლიტურგიას ზუგდიდის ივერიის ღვთისმშობლის სახელობის საკათედრო ტაძარში დაესწრო.
მშენებარე საკათედრო ტაძარში საშობაო ლიტურგია ზუგდიდისა და ცაიშის მიტროპოლიტმა გერასიმემ აღავლინა.
საშობაო მსახურებას გუბერნატორთან ერთად მისი მოადგილე დავით კოდუა, ზუგდიდის მერი ლაშა გოგია, საკრებულოს თავმჯდომარე მამუკა წოწერია და ადგილობრივი ხელისუფლების წარმომადგენლები ესწრებოდნენ.
►„ჩვენს თანამემამულეებს, განსაკუთრებით კი ჩვენი რეგიონის მოსახლეობას გილოცავთ შობის ბრწყინვალე დღესასწაულს!
ქრისტიანული სამყაროსთვის შობა უდიდესი დღესასწაულია - მაცხოვრის შობამ კაცობრიობის ისტორიაში ახალ ერას დაუდო საფუძველი, ესაა 12 საუფლო დღესასწაულს შორის ერთ-ერთი უდიდესი - ამიტომაც მინდა განსაკუთრებულად მოგილოცოთ.
კაცთმოყვარეობა, სიყვარული, ურთიერთპატივისცემა, სიკეთე ეს ის უმთავრესი ღირებულებებია, რომელიც საუკუნეების წინ გვიქადაგა ქრისტემ და თითოეული ჩვენგანის ვალია ყოველდღიურად ვიაროთ ამ გზით.
მრავალ შობა-ახალ წელს დაესწარით წარმატებულად, ერთიან საქართველოში."
პატივისცემით,
ლევან შონია - სამეგრელო-ზემო სვანეთის გუბერნატორი
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
