სენაკში ახალი საბვშვო ბაღი შენდება

სენაკის მუნიციპალიტეტში მომავალი წლიდან ახალი, ევროპული სტანდარტების სკოლამდელი აღზრდის დაწესებულება დაიწყებს ფუნქციონირებას.

ფოთის ქუჩაზე მდებარე, გასული საუკუნის 30-იან წლებში აგებული №2 საბავშვო ბაღის ამორტიზებული შენობის ადგილზე, ორ სართულიანი თანამედროვე სტანდარტების საბავშვო ბაღის მშენებლობა მიმდინარეობს.

საბავშვო ბაღის შენობა 80 აღსაზრდელზეა გატვლილი და შშმ პირებზეა ადაპტირებული. მშენებლობის დასრულების შემდეგ მასში 3 ჯგუფი გაიხსნება. პროექტის ღირებულება 279 521 ლარს შეადგენს.

სამუშაოების მიმდინარეობა სენაკის მუნიციპალიტეტის გამგებელმა გოჩა დგებუაძემ გამგებლის მოადგილეებთან და შესაბამისი სამსახურების წარმომადგენლებთან ერთად დაათვალიერა.

2013 წლიდან დღემდე, მუნიციპალიტეტის მასშტაბით, სრულად ან ნაწილობრივ, რეაბილიტირდა 26 და აშენდა 3 სკოლამდელი აღზრდის დაწესებულების შენობა.