ჩხოროწყუში ორი ახალი საბავშვო ბაღი შენდება

ჩხოროწყუს მუნიციპალიტეტში, სოფელ კირცხში და  სოფელ  ქვედაჩხოროწყუში ახალი საბავშვო ბაღების მშენებლობა მიმდინარეობს.

პროექტის ფარგლებში აშენდება ახალი შენობები, მოეწყობა  ელ.გაყვანილობა, სველი წერტილები და გათბობის სისტემა.

ბაღები   100 აღსაზრდელზეა გათვლილი.

ბაღების მშენებლობაზე დასაქმებულია 18 ადამიანი.

საბავშვო ბაღების მშენებლობის პროექტს რეგიონული განვითარების ფონდი ჩხოროწყუს გამგეობის თანადაფინანსებით ახორციელებს.

ჩხოროწყუს მუნიციპალიტეტში 2013 წლიდან დღემდე სულ 5 ახალი ბაღი აშენდა და  9 რეაბილიტირდა.