მესტია-უშგულის მონაკვეთის 10 კილომეტრიანი გზის რეაბილიტაცია მიმდინარეობს

ზუგდიდი-ჯვარი-მესტია-ლასდილის საავტომობილო გზის, კერძოდ, მესტია–უშგულის მონაკვეთის 10 კილომეტრიანი გზის რეაბილიტაცია მიმდინარეობს.

გზის საპროექტო ტრასა, რომელიც მიმდინარე წელს განხორციელდება, იწყება ზუგდიდი-ჯვარი-მესტია-ლასდილის საავტომობილო გზის 154 კმ მონაკვეთზე, უღვირის უღელტეხილზე და ჩაუყვება უღვირის ქედის სამხრეთ ფერდობს, იფარის ტერიტორიული ერთეულის „ლენდგვილის“ ხიდამდე.

პროექტის ფარგლებში, გათვალისწინებულია შემდეგი სამუშაოების განხორციელება:

• ტრასის აღდგენა და დამაგრება;

• დაზიანებული მილების დემონტაჟი;

• ვაკისის ზედაპირისა და ფერდების მოშანდაკება;

• 2 არსებული ხიდის შეკეთება;

• გაბიონის კედლების მოწყობა;

• არსებული რკინა-ბეტონის კედლების შეკეთება;

• სამოსის მოწყობა არმირებული ბეტონის საფარით;

• ეზოში შესასვლელების მოწყობა;

• ავტობუსის გაჩერებების და პავილიონების მოწყობა;

• საგზაო ნიშნების მოწყობა;

• სავალი ნაწილის მონიშვნა;

• საგზაო შემოფარგვლის მოწყობა;

მესტია–უშგულის გზის 47 კილომეტრიანი მონაკვეთის რეაბილიტაცია ხორციელდება ეტაპობრივად. პირველ ეტაპზე განხორციელდა 12,4 კმ გზის მონაკვეთის რეაბილიტაცია.

პროექტს საქართველოს რეგიონული განვითარებისა და ინფრასტრუქტურის სამინისტროს საქართველოს საავტომობილო გზების დეპარტამენტი ახორციელებს.