ახალი ამბები
ზუგდიდის გამგეობამ სტიქიის შედეგად დაზარალებულებს ზარალი აუნაზღაურა
ზუგდიდის მუნიციპალიტეტის გამგეობის ზარალის დამთვლელმა სპეციალურმა კომისიამ, ექსპერტიზის დასკვნის საფუძველზე, ძლიერი ქარის შედეგად მიყენებული ზიანის მოცულობები განსაზღვრა და დაზარალებულ ოჯახებს ზარალი აუნაზღაურა.
ამ ეტაპზე, მიყენებული ზარალი 10 ოჯახს აუნაზღაურდა. დარჩენილი ოჯახებისთვის ზარალის ანაზღაურება საჭირო დოკუმენტაციის სრულად მოწესრიგების შემთხვევაში იქნება შესაძლებელი. გადარიცხულმა თანხამ 6274 ლარი შეადგინა.
შეგახსენებთ, რომ ზუგდიდის მუნიციპალიტეტს ძლიერმა ქარმა, მიმდინარე წლის ნოემბერში გარკვეული სახის პრობლემები შეუქმნა და რამდენიმე ოჯახს საცხოვრებელი სახლის სახურავები ნაწილობრივ დაუზიანა.
მუნიციპალიტეტის გამგებელმა ლაშა გოგიამ და გამგებლის მოადგილე მამუკა წოწერიამ ზარალის დამთვლელ სპეციალურ კომისიასთან ერთად დაზარალებული ოჯახები ადგილზე გადაამოწმეს.
პროექტ–დაიჯესტი
ფოტო გალერეა
რეგიონის რუკა
სიახლეების კალენდარი
ბანერები
